وجهت المذيعة المصرية ميار الببلاوي، رسالة انتقاد وهجوم للفنانة المصرية شيرين عبد الوهاب.
قالت ميار في مقطع فيديو نشرته: (أنا بصراحة شوفت الفنانة الكبيرةشيرين عبد الوهاب وهي بتتكرم من مهرجان ما، وشوفت الفستان اللي هي لابساه، شوفت الوزن اللي هي وصلت ليه، وشوفت شعرها، أنا مش عارفه في ايه، شيرين فوقي لنفسك، ولأولادك، الدنيا ما بتقفش على أي راجل في العالم).
اقرأ: زوج شيرين يتبرأ من والده ويتهم شقيقها ولعله أبتلاء على هيئة بشر! – فيديو
تابعت: (اسأليني أنا كلنا أتصدمنا، كلنا اطلقنا، كلنا فشلنا، وكلنا كان عندنا مسؤولية، كلنا حبينا، وكلنا اتسابنا، لكن يا حبيبتي، أنتي مش ملك نفسك، أنتي ملك جمهورك، بالفن اللي بتقدميه، وقبل جمهورك أنتي مثل أعلى لبناتك، أنتي عايزة تبعتيلي رسالة إنك إدمرتي، ما ينفعش تبعتيله رسالة إنك زهدتي في الدنيا).
اضافت: (أنا بحبك قوي، وكان عندي ولد وأتعرضت لنفس الموقف دا، اتطلقت وكنت لوحدي وكنت متعلقة جدا بالشخص اللي اتطلقت منه، لكن بعدها الدنيا مشيت واتجوزت أكتر من مرة، عارفة إن حبك كان جامد أوي والعلاقة كانت حلوة، حبيبتي قومي وأقفي واثبتي وجودك، البسي أحلى حاجة، وارجعي ظبطي وزنك، أنا أتخضيت لما شوفتك طالعة بالطريقة دي، شيرين أرجوكي بناتك كدا هيتعقدوا، يا أما لما يعرفوا واحد هيبقوا عبيد تحت رجليه، يا إما مش هيدخلوا في أي علاقة).
وأكملت: (احنا مستنينك، شيرين اللي بنحبها، شيرين اللي بتفرز فن، الجدعة، المصرية الاصيلة، اللي بتاخد الخبطة وتقف تاني بميت راجل، أنا ما عرفش ليه بقولك كدا، يمكن أنا حاسة بوجعك أوي، لأنه عدى عليا أكتر من مرة، لكن الدنيا ما بتقفش على حد، وبصتك في بناتك بالدنيا).