تعرّضت مراسلة الاخبار نوال بري لهجوم كبير بعدما قالت إن اهالي الجنوب يعانون كثيرًا ويعيشون أوضاعًا صعبة للغاية نتيجة الاعتداءات الاسرائيلية.
تعرّضت لهجوم بالشخصي وللتخوين فقط لأنها أعطت رأيها كمواطنة لبنانية، وهذا ما دفعها الى الغاء خاصية التعليقات على البوست منعًا للمزيد من الشتائم بحقها.
اقرأ: صورة معيبة ومفبركة لنوال بري – صورة
وكتبت:
(يلي عم يصير بالجنوب مش طبيعي ابدا..يعني تكون بعدك ببيتك وولادك عم يروحوا عالمدرسة وبتجي ضربة مية متر من حد البيت وبتكمل حياتك طبيعي لان الاسرائيليي محددين مين عم يستهدفوا..يلي عم يصير بالجنوب هوّ ناس عم تعيش حرب قاسية كتير ومضطرة تبقى بهيك وضع لان ما بدها تترك بيوتها وتتهجر..كلنا كنا مع مساندة غزة اول فترة للضغط لحتى ما يجتاحوها برّيا..اليوم غزة للاسف صارت ركام وناسها عايشين اكبر مأساة بعصرنا..وللاسف ساحة الجنوب اليوم صارت ساحة اغتيالات وقتل مدنيين)
اقرأ: دموع نوال بري وتأييدها لسعد الحريري
وتابعت نوال: (يلي عم يصير بالجنوب كتير صعب وانشالله يوقف اليوم قبل بكرا..الناس تعبانة كتير ومش عيب ولا عمالة انو الناس تتعب لما ما يكون في نتيجة واضحة للوضع يلي الناس عم تتحملو..الله يحمي اهل الجنوب وكل حدا عم يدافع عن الجنوب..بس الجنوب تعب كتير كتير..عم يدفع ثمن حرب غزة كتير..كنا اول فترة فخورين انو قدرنا نوقف حد غزة اليوم صار بدنا مين يوقف معنا بالوضع يلي عايشينو بالجنوب)
وأضافت: (واذا عبرنا عن شو عم نحس ما معناتها عملاء او ضد مقاومة اسرائيل..السكوت بيوجع كتير امرار خاصة بعد مجزرة مبارح بخربة سلم..ناس هربانة من الحدود لحقها القصف وناس وولاد صارت عايشة عالوهلات والصدمات)