سخرت الفنانة هنادي مهنى، من شائعات انفصالها عن زوجها أحمد خالد صالح، قائلة: “الموضوع مضحك وبيضحكني أوي، وقلت كويس أنهم مشغولين في الكلام وده، ومتخيلين أن بينا خلافات أحسن مايحسدونا”.
وردت على سؤال، هل تشعري بالغيرة وقالت: “أكيد زي كل البني أدمين بس مش بتخانق وهو بيغير عليا في حدود الطبيعي، وأحمد خالد صالح مش بيقولي ستو أنا رغم إن الناس كلها بتقولي كده”.
كما اكدت أنها أحيانا تقوم بفتح هاتف زوجها لكن ليس لشيء سوى لاخذ صور بعينها أو خلاف ذلك، ولا تفتش به لإنها تثق به.
اقرأ: هنادي مهنى هكذا فقدت وزنها الزائد
وهنا نذكر تفاصيل قصة حبهما القوية:
روى الثنائي خلال استضافتهما في برنامج (صاحبة السعادة)، مع الإعلامية والفنانة إسعاد يونس، كواليس علاقتهما وحبهما، إذ قالت هنادي: «قالي بحبك على واتساب، واتقالت وموقفناش عندها، وكملنا كلامنا موقفناش».
والتقط الفنان أطراف الحديث، «قولتها لما حسيت بيها، وقلت لازم تطلع دلوقتي، وكان عيد ميلاد واحدة صديقتنا وهي مجتش عشان عندها تصوير، وقبلها كنا بنتقابل صدف، وكان بالنسبة لي لما بتضايق من الزحمة والدوشة أقعد معاها ونرغي وخاصة هي بترغي كتير».
رد هنادي كان صادما لأحمد عندما أفصح لها عن حبه، «بدأنا ننزل كتير وكان بيهتم بيا كتير، وأنا قولت مش هرتبط بحد دلوقتي وأنا عندي كرير وكنت بعمل 3 مسلسلات في وقت واحد وده صعب جدا، وكنت بلاقي الوقت إني اشوفه واقعد معاه ونخرج ولما بنتفرج على التلفزيون بنفضل نحلل المشاهد».
تتذكر هنادي، مكالمة هاتفية استمرت 4 ساعات بينهما كانت دليلا على عمق العلاقة التي جمعتهما قبل أن تتوج بالزواج، «أنا قاعدة في الكرفان وأنا بصور مسلسل، وأحمد قاعد في كرفان بيصور فيلم، وكان فيه حاجات بتتأخر وقعدنا نتكلم والمكالمة وصلت 4 ساعات، ومن هنا بقا فيه حاجة اللي هو رايح فين وجاي منين وهنروح فين».