في معلومات حصرية من لقاء أجريته ل الجرس الورقية/الاسبوعية مع ريما الرحباني وللمرة الأولى، تحدثت عن شقيقها زياد في تفاصيل انسانية ومضحكة، داخل منزل فيروز وعاصي الرحباني.خلال الحوار، استعادت ريما ذكريات المسرحيات العائلية، والقصص العبثية التي كان يؤلفها زياد، والمقالب التي كان ينفذها بشقيقتيه، وكيف شكّل منذ طفولته عالمًا خاصًا مصنوعا من الخيال المضحك، كشف مبكرًا عن الموهبة التي ستصنع لاحقًا أحد أهم المبدعين في العالم. من ضمن ما قالت:
كنا نمثل مسرحيات والدتنا فيروز، وزياد كان يوزع علينا الأدوار وأحيانا يؤلف لنا مسرحيات جديده
اقرأ: ريما الرحباني تعلن موقفها السياسي.. عاشت مصر اكره اسرائيل
ـومن كان الجمهور؟
(تضحك) ما حدا.. الصالون
ألم تلعبوا مسرحيات أمام والديكم عاصي وفيروز؟
- ايه ايه أوقات.
- اقرأ: ريما الرحباني اتركوا زياد ولا للتكريمات التجارية
وماذا كانا يقولان؟
” كانوا يضحكوا،” وأحيانا كانا يعودان إلى البيت قبل الوقت المتوقع فيفاجئونا، وكان زياد يسجل أعماله فوق شريط الماستر (تضحك) وما حدا دریان
كان زياد رجل البيت الثاني، هل كان صعباً معكما أنتما البنتين؟
اقرأ: سوريا تمنع دخول صحافيين لبنانيين وتضعهم على اللائحة السودا
لا أبداً.. “زياد فقدنالو كثير لما ترك البيت.. ترك بكير، ووقتا سكرت الطرقات بين المناطق/ايام الحرب. بس بقينا على تواصل، زياد كان عامل جو بالبيت. وكان إذا عطاني دور لغنيه أو امثله، يا الطيف شو كبيرة فرحتي كانت تكون.. إنو زياد تنازل وعطاني شي، زياد كثير إلو مكانة كبيرة..
اقرأ: ماجدة الرومي تسببت بإقالة مدير سعودي
وتتابع ريما وكأنها تتنشق أطيب الهواء وتقول: كان زياد يروي لي قصصًا.. تتوقف لتضحك مطولاً.. (لا يمكن أن تضحك ريما إلا وتشيع فيك رغبة بالضحك الصادق، ريما قادرة على توزيع الضحكة على الناس لشدة شفافيتها، في داخلها طفل ذكي، يتحرش بالطفل فيك، وتتابع ريما) أنا ما كان عندي سريري الخاص
اقرأ: نضال الاحمدية: غبنى منى واصف
وفي نفس الأجواء الكوميدية، تتابع ما يعرف يمكن ما كانوا عاملين حسابي.. ايه كنت نام كل ليلة في سرير أحد أشقائي، لكن الليلة التي يكون فيها الدور إلى جانب زياد يكون كنت عيد. كان يحكيلي قصصا عجيبة غريبة، يؤلفها طبعا. فأضحك وأخبي ضحكتي تحت اللحاف كي لا يستيقظ والداي وكنت لا أقبل بقصص جديدة منه، فأطلب منه أن يعيد القصص نفسها واضحك واضحك؟
كان يخبرني مثلاً قصة عزيزي ولزيزي.. وقصص عبثية يخترعها (وبدأت أضحك أكثر من ريما، بل غرقنا في أجواء زياد الرحباني وقصصه وتابعت ريما مثلا “عزيزي ولزيزي” وسلسلة مواقف ما تنتهي
اقرأ: من هي فاطمة المرنيسي
الدموع تساقطت من عيني من شدة الضحك وسألت ريما: اية شو بها عزيزي؟
تكمل هي تضحك” عزيزي فتحت الشباك، وقع الرف تحت الزيزي، لمت الرف، سكر الشباك، رفعت راسا، طرق بالرف، وهيك شي ما بيخلص، وأنا إغشى من الضحك وع صوت واطي تا ما حدا يسمع ضحكتي، ويمنعوني نام حد زياد، لأنو ما عم يخليني نام.. وكنت إزعل إذا يغير بالقصص، واترجاه يرجع يخبرني قصة عزيزي ولزيزي.
شو كان يخبرك كمان؟ نضحك لكن ريما كانت سعيدة بالتذكر فتقول:
وكان في قصة كمان كثير عبثية، عن واحد عمل حادث قطعولوا إجرو، صار هربان وأجرو لاحقتو، طلب تاكسي قامت إجرو طلبت تاكسي ولحقتو، وهيك مغامرات عن هيدا الإنسان كيف هربان من إجرو، وهيي كيف لاحقتو..
-وشو كان يخبرك كمان ؟
هوي وزغير كان عامل حادث سيارة ومكسر كل سنانو، ركبولو جسر بحديدة عالطرفين بيطلعوا وبيرجعوا ع تمو.. لما كانت تساقب مش نايمة حدو كان يجي عليي بالليل، ويشلي سنانو مع الصوت وأنا إنرعب وهوي يضحك، كان يخوفني، دائماً عندو تجارب وأفكار رعب ينفذن عليي تيشوف شو بدو يصير وكان ينطرني تارجع من المدرسة يطلعني على طابق خاص فيه ويجرب يعلمني مسبات، ويسجلي ياهن أنا وعم قولن. كل الوقت كون حاسة اني عم أعمل جريمة، واترجاه إنو ما بدي, ويطلب مني ما خبر حدا، ويقلي هيدا بيضل سر، ما بعرف كيف كان يرجع يقنعني، وأنا صدقو- زياد مش سهل مع حدا.
وتتابع (ريما): كان زياد مكلف بتدريسي وهوي مش شاطر بالمدرسة وبدو يتخلص مني فما كان يدرسني الإشيا حسب المناهج كان يعلمني دروس من اختراعو عمليات حسابية طول كل وحدي ما بعرف أدي. صفحات متعلقة ببعضا ضرب قسمة، جمع، طرح وأرقام كبيرة بطريقة إذا غلطت بمطرح ما في محل عالصفحة اصلح.. تما يقلي حلي عني، يقلي روحي حليهن وبس تخلصي ارجعي، وأنا روح بكل طيبة قلب أقعد وقت طويل حلن عالأيد، ما كان في آلة حاسبة وقتا.. بس خلصن وارجع لعند وبعد ٦ أو ٧ ساعات يقلي برافو بدون ما يراجع الصفحات، هوي أصلاً ما كان يعرف شو النتيجة.. وهوي كل همو يرتاح مني ٧ ساعات كان إلى خلق ع إشيا كثيرة مثلا هوي علمني إقرأ الساعة بطريقة كمان كتير بتضحك بالفلي أخبار عن العقارب الكبيرة والعقارب الزغيرة ضمن إطار عبثي، وإنو عم يطاردوا بعضن، وإنو العقرب الكبير دايما مستعجل بيركض بينما العقرب الزغير بيضل مأخر، أما عقرب الثواني فيلا مع بالمرة وتفرق في حالة ضحك تصل إلى طقطقة الخواصر..
والأجمل في كل ذلك أن ريما تتحدث دون خجل عن الغش الذي كان يلحق بها من شقيقها وتقول: هيك زياد كان يعلمني (نضحك) وبعد ما فل زياد من البيت لم يعد أحد يتابعني إلا بالإطلاع على النتائج الفصلية التربية في بيتنا كانت تعزيزا لروح المسؤولية والصدق
-هل زياد سهل التعاون معك الآن، هل يمارس سلطته كاخ أم كفنان؟
نعم يمارس سلطته كاخ وفنان
- تخافين منه؟
- أحترمه.. لا أخاف منه زياد يعني لي كثيراً، ورأيه يعني لي الكثير.
هل يلعب زياد دور الأب رقم الفارق الكبير بين شخصيته وشخصية عاصي الرحباني؟
لا.. زياد يشبه عاصي كثيراً من حيث لا يدري.
والله؟ وهل يشبه فيروز؟
- ايه بيشبها كثير
ريما: ما فهمت
يعني.. لم أشعر أنها أم يقبلها ابنها على المسرح؟ وتغيب ربما في ضحكة طويلة لن أدعي أني عرفت أسرارها، ثم تقول::
يمكن هيي فيروز ما عرفت انو هيدا زياد..(وتكمل في ضحكة تطول)