علقت الفنانة ومقدمة البرامج سارة نخلة، على عودة الفنانة المصرية حلا_شيحة، إلى الفن بعد إعلان اعتزالها منذ فترة، وشنها هجومًا حادًا على الفنان تامر_حسني، بسبب بعض المشاهد التي جمعتهما في فيلمه “مش أنا”، وارتدائها الحجاب.
وقالت سارة نخلة خلال حلقتها ببرنامج “FACE OFF”، المذاع على شاشة “هي”: الناس مش عايزين حلا شيحة ترجع عشان فقدت مصداقيتها، السيناريست هيخاف يجي يديكي سيناريو تقوليله تاني يوم لا خلاص انا اتحجبت.
واضافت سارة نخلة: أنا كان عندي مشاكل نفسية ولجأت لدكتور لعلاج نفسي ودة مش عيب واحنا في المجتمعات العربية عشان مش متقبلين دة بنقول عليه لايف كوتش ولكن ده علم، بنصح حلا شيحة أنها تروح لدكتور نفسي، حلا محتاجة تقعد مع نفسها سنة أو سنتين تلاتة على الاقل وتفكر هي عايزة ايه.
اقرأ: شيرين تبكي: أمه كتبت وأنا بدي رجال وحاولت كل حاجة عشان أموت – فيديو
من جانبه علق الناقد الفني عماد يسري على عودة الفنانة حلا شيحة للفن قائلا، إن مصطلح الاعتزال أصبح سيء السمعة نظرا لاستخدامه للتريند، لو نزلنا الشارع سألنا الناس اية أبرز الأعمال لحلا شيحة أثرت فيهم مش هتلاقي، فيلم السلم والثعبان اتشهر بسبب هاني سلامة وليس حلا شيحة، حلا شيحة إنسانة مش محبة للفن وبالتالي لا تجتهد أنها تحاول تدرب نفسها وتكبر، الجمهور اللي بتقولي عليه مش عجبه رجوعك هو اللي عملك متابعة لما قولتي هعتزل واتحجب، حلا شيحة مش صغيرة على التصرفات اللي مش ناضجة دي، المنتج اللي هيعرض العمل على حلا هيكون عشان التريند.
برنامج “ FACE OFF” تقدمه سارة نخلة عى شاشة “هي” يوميًا من السبت إلى الاثنين، وتستضيف خلاله عددًا من نجوم الفن، وتناقش القضايا المطروحة يوميًا بين الجمهور.