أدلت الفنانة المصرية سمية_الخشاب، برأيها في بعض الأمور الحياتية بين الزوج وزوجته.
قالت سمية: “طبعا الحماة بتبقي أم وكل حاجة.. ولكن أنا أخدم نفسي الأول وبعدين أقدر أخدم زوجي وبعدين حماتي.. وبعدين هو يشيل ليلته وهو اللي ينضفلها ويعملها كل حاجة”.
إقرأ: سمية الخشاب تحذيركم ولهذا يقلدونها!
وأضافت “الخشاب”، خلال مداخلة هاتفية ببرنامج “الستات” المذاع عبر فضائية “النهار”: “كنت عارفة واحدة بتخدم حماتها وكنت بقولها أعتبريها زى مامتك.. أصل دا بيكون إختبار من عند ربنا.. وانا بعمل الحقيقة والسراب انا وفيفي عبده وكنا بنتكلم عن علاقة الحماة بمرات إبنها وحد قالي فى الشارع شكرا يا مدام سمية لان الناس ومراتي أتأثرت بيكي فى المسلسل وبقوا بيقلدوكي”.
وتابعت: “لازم الست تتعامل مع حماتها على إنها مامتها وهيقعدلك فى صحتك لما تلاقي حد يشيلك.. ومفيش حاجة اسمها الزوجة اجبرت تخدم حماتها.. وهو مش واخدني من بيت أهلي علشان أخدمك أنت واهلك”.
وأشارت: “والراجل ميقولش لزوجته إنها تعمل الحاجة غصب عنها.. لأ.. أنا هعمل بإرادتي الحرة.. في الشرع المفروض يجيبلي خدامة.. والمفروض هو اللي يخدم أمه”.