أعلن الفنان المصري أحمد_السعدني، انسحابه من مسلسله الرمضاني (كله بالحب)، الذي كان يلعب دور البطولة فيه إلى جانب الفنانة المصرية زينة.
كتب السعدني عبر صفحته: (اعلن بشكل رسمي انسحابي من المسلسل (المهزله) وتقدمي بشكوي رسميه للنقيب الدكتور اشرف ذكي ضد شركة الانتاج للخرق الواضح للعقد الموقع مع الشركة متمسكاً بكافة حقوقي الماديه واسف للازعاج مره اخري ورمضان كريم).
يأتي هذا بعدما اعتذر النجم المصري أحمد السعدني، بشكل مبدئي منذ أسابيع سابقة عن المشاركة في مسلسل “كله بالحب”، الذي كان من المقرر عرضه في الموسم الرمضاني المقبل، مؤكدا أن بطلة العمل زينة تشارك في جميع تفاصيل العمل بما فيها بوسترات المسلسل والمقاطع الدعائية للعمل.
وكتب السعدني عبر صفحته: (الحقيقة انا عمري ما عملت مشكله في شغلي وعمري ما اختلفت مع زمايلي انما انا اللي بيحصل معايا في المسلسل اللي شغال فيه 24 ساعه مبروحش بيتنا عشان يلحق العرض والواحد ساكت وبيعدي بلاوي عشان الزنقة والظروف).
وتابع: (انا متربي في ستوديوهات كبرنا انا واللي زيي اللي كان بيتقال عليهم ابناء الفنانين كانها شتيمة علي احترام مهنتنا مواعيدنا ومذاكرتنا وتحضيرنا للشغل احترامنا للكلمه قبل العقد).
إقرأ: أحمد السعدني مع والدته لأول مرة بالبيجاما!
وأضاف: (للاسف شركة الانتاج ملتزمتش معايا باتفاقهم اللي على اساسه وافقت اشتغل وكان شرط اساسي لقبولي الشغل معاهم و الحقيقه اول مره اشوف تصميم دعايه عمل فني من افيشات و برومو بتعمله زميله في العمل طول عمري كنت فاكرها من اختصاص شركة الانتاج الحقيقه).
اختتم حديثه: (أنا ضهري في الحيط اكمل واقبل بالعبث ده عشان باقي الزملا الفنانين و الفنيين المشاركين في العمل اللي ملهمش ذنب والا اقعد في بيتنا واكتفي باللي صورته واطلب من النقابه تجيبلي حقوقي الماديه وفي كل الاحوال انا بعتذر لاي شخص بيحبني عن تواجدي في هذا العمل لان الحقيقة اللي بيحصل ده مهزله).