تعرضت الفنانة المصرية رنا_سماحة، في الفترة الأخيرة لعدة انتقادات بسبب ظهورها بفساتين ضيقة تبرز معالم حملها بالأشهر الأخيرة، وسخر البعض من شكلها.
رنا ردت بجرأة وبثقة عالية، وقالت:
(على فكرة أنا بحب شكلي وأنا حامل ومش متضايقة من بطني وهي كبيرة وبحب البس اللي يبينها طالما مش بيضايقني).
تابعت: (أنا مش شايفة اني غريبة.. أنا مبسوطة وفخورة كمان مش عايزة اخبيها لأنها مش ديفوه بالعكس أنا شايفة أن شكلي كده أحلى).
وأحيت رنا سماحة خلال الأيام الماضية حفل زفاف ملكة جمال المحجّبات آية مكرم، حيث أشعلت الحفل بأغنيتها الشهيرة “أوبا” وأثارت الجدل بعد ظهورها في الحفل وهي في الشهور الأخيرة من الحمل، حيث تنتظر مجيء مولودها الأول قريباً.
كانت رنا اعلنت عودتها من جديد لزوجها الملحن سامر أبو طالب، بعد فترة من الخلافات التي كادت تصل إلى الطلاق، رغم حملها بمولودها الأول.
اقرأ: رنا سماحة حامل بمولودها الأول – فيديو
نشر سامر فيديو رومانسي ظهر فيه برفقة زوجته، ووجه لها رسالة مطولة جاء بها:
(اولا الحمدلله، ثانيا هقول الكلمتين الجايين دول ل ( ام مالك ) مراتى و حبيبتى و ام ابنى اللى اكتشفت فى الفتره اللى فاتت دى انى ماقدرش اعيش من غيرها ولا حتى بكون مبسوط فى اى حاجه حتى ابسط الاشياء هى لازم تكون فيها معايا بحبها اوى بجد يمكن كنت اوقات بعند بس اكتشفت انى فعلا ماينفعش اكون غير ليها و هى ماتنفعش تكون غير ليا اسف لو زعلتك فى اى حاجه و ربنا يباركلى فيكى و يحفظنا من كل شر و يبعد عنا الحسد و الحقد و اللى كارهين يشوفونا مرتاحين و هاديين و الحمدلله دائما و ابدا).
اقرأ: رنا سماحة للجرس: زينة رشحتني لـ (جمع سالم) ودوري في (ياأنا ياجدو) مختلف – صور
تابع: (نيجى بقى ل برنس قلبى ابنى و قرة عينى حبيبى و صاحبى و اخويا اللى لسه ماشوفتوش ( مالك ) مش هقولك غير انى بحبك و لما تيجى بالسلامه هقولك حاجات كتير اوى نفسى اقولهالك و مش هتفارق حضنى ابدا بحبك يا رنا و بحبك يا مالك شكراً للناس اللى كانوا بيكتبولى كلمه حلوه عشان عاوزين يشوفونا تانى مع بعض).
ردت رنا على زوجها قائلة:
(الحمدلله يا حبيبي ربنا يخلينا لبعض يا رب ويخليك ليا ولمالك يا رب ويبعد عننا اي حاجه وحشه
عيشنا فتره صعبه والحمدلله انها عدت
مفيش بنا أسف يابو مالك بس عارف لو عملت كده تاني ربنا ميحرمناش من بعض ويحفظ بيتنا ويكبر ويعمر بوجودك وسطنا يا رب امين بحبك يا جوووووزي).
يأتي هذا بعدما انتشرت أنباء انفصال رنا وسامر، بعد حملها بابنهما الاول.