منذ شهر خرج الفنان هشام عاشور، زوج الفنانة المصرية نيللي_كريم عن صمته، ورد لأول مرة على تصريحات الفنان باسم_سمرة، التي أدلى بها خلال استضافته في الحلقة الأولى من برنامج “رامز جاب من الآخر”، والتي أُُذيعت أول أيام شهر_رمضان.
اقرأ: نيللي كريم وسر تعاونها مع زوجها هشام عاشور
قال هشام عاشور: “باسم سمرة راجل طيب، وأكيد ميقصدش، وإحنا عمرنا ما اتقابلنا، وناخد أدوار أنا وهو زي بعض إزاي؟ هو رجل نجم، وأنا باخد أدوار ثانوية والموضوع مش مضايقني خالص والله”.
تابع: “هو من الآخر اتاخد على خوانة، التاني قاله أنا أخوك، أنا حبيبك تعالى بس نقعد مع بعض، واحنا خارج التسجيل، وهشام عاشور ونيللي كريم، والتاني بيعلي الإفيه بكلمتين ساعات وانت دمك خفيف بتعلي الإفيه عادي يعني، وصورها ونزلها، تخيل أنا قاعد مع أخويا بنتكلم عن ابن خالتي، أو حد قريب مننا وبنقول مثلا دا مراته كذا دا حصل كذا، عادي بنتكلم في موضوع بتحصل يعني، يقوم مصورني أخويا ومنزلها في كل حتة ومخلي منظري وحش”.
وختم في رسالة مبطنة لرامز جلال: “يعني بصراحة قمةـ مش عارف أقول إيه بيئة جدا وصفيقة جدا، ورخيصة جدا، الله يكون في عونك يا معلم، يعني هو دا الضحك هتجيب فلوس كده؟ الدم الخفيف مفهوم، يعني دا لا دم خفيف ولا لذاذة، معرفش، الله يكون في عونك وزعلان منك”.
كان باسم_سمرة تحدث عن زوج نيللي_كريم وقال عنه في برنامج برامز جلال: “قلت قبل كده إن نيللي كريم اتعلمت التمثيل مني خلال مسلسل ذات، وكان فيه دور قبل كده كنت هعمله معاها في عمل وكنا مبسوطين إننا هنشتغل مع بعض، لكن راحت جابت جوزها بتاع الإسكواش مكاني لأنه عايز يمثل”.
)
