حلت الفنانة المصرية عفاف شعيب، ضيفةً على برنامج (شيخ_الحارة والجريئة)، الذي تقدمه المخرجة إيناس الدغيدي عبر قناة القاهرة والناس.
اقرأ: زفاف محمد رمضان وسمية الخشاب بحضور أحمد سعد! – صورة
تحدثت شعيب عن سبب غضبها من المخرج محمد_سامي، بعد تعاونهما في مسلسل (آم)، للفنان تامر_حسني.
روت شعيب موقفاً فضحت به سامي، وقالت:
(انا مبكرهوش انا بكره تصرفاته، هو علفكرة مخرج شاطر اوي ومخرج كويس اوي شهادة لله ولكن هو عصبي جدا جدا، انا اول مرة أشتغل معاه وكان اول مرة بيخرج مسلسل “آدم” وكنت انا ساعتها عندي مسلسل تاني اسمه “دوران شبرا” ولما جه المنتج محمود شميس طلبني وهو عارف ان انا بصور في “دوران شبرا”، المهم فيه مشهد المفروض بيطلعوا يقبضوا عليا انا وولادي ومحمود الجندي الله يرحمه ففيه عربية “بوكس” العربية البوكس بتاعة الشرطة عالي، اوي ولا فيه سلم ولا كرسي فقال يلا اطلعوا ، انا بصيت اطلع ازاي ؟! ما تجيب سلم ..قالي لأ بصي الكاميرات مترشقة، طب كرسي يا استاذ ، قالي لأ .. طب اطلع ازاي).
تابعت: (جه حجاج عبد العظيم ومحمود الجندي قالوا احنا هنشيلك وتطلعي قلتلهم :”ولا حد يلمسني ومش هعمل المشهد ده”، جه المنتج قالي معلش يا مدام عفاف اليوم هيكلفني 150 الف جنيه وخراب بيوت ولقيت بقى الكل ملموم معلش والنبي عايزين نخلص واللي يقولي عايز اقبض .. فوقفت كده بيني وبين ربنا وببص كده كان الهلال طالع كان 2 رمضان ، قلت يارب ساعدني وحياة حبيبك محمد قعدت اناجي ربنا بيني وبينه كده ، فجيت ولقيت نفسي اقسم بيمين الله بنط بس اول ما نطيت جوا العربية حاجة عملت في ضهري “تك” تاني يوم اتنقلت العناية المركزة).
استكملت: (عارفة محمد سامي قال ايه ؟؟ قال “دي بتتدلع !!”وانا في العناية المركزة و48 ساعة في غيبوبة ، كل الناس زارتني في المسشتفى الا هو ، جه تامر حسني الله يمسيه بالخير قد ايه هو جميل ودينا فؤاد واحمد زاهر ومي عز الدين والمنتج محمود شميس كلهم زاروني الا هو قالهم “دي بتتدلع” ، انا عمري ما اتدلعت في شغلي وطول عمري ملتزمة).
بهذا الموقف كان سامي مخرجاً محترفاً، لكنه فقد انسانيته خصوصاً حينما رفض زيارة عفاف شعيب في المستشفى.
تعامل سامي بكبر وغرور، ودارت الأيام وروت عفاف عنه هذا الموقف المخزي!