تسلم الفنان المصري كريم_عبد_العزيز، جائزة فاتن حمامة للتمييز، في حفل افتتاح الدورة ٤٣ من مهرجان_القاهرة_السينمائي الدولي.
وقال: (بحمد ربنا إنه وفقني لحد ما بقيت واقف قدامكم، عايز أشكر أسرتي أبويا وأستاذي وصديقي محمد عبدالعزيز، وكان مفروض والدتي كانت تبقى معانا وحصل ظروف، وأشكر زوجتي معلش يعني بقالها 15 سنة معايا).
اقرأ: أحمد العوضي عن صحة زوجته ياسمين: نكبة
تابع: فرحتي 3 فرحات النهارده بتكريمي من مهرجان بعراقة القاهرة بيحمل اسم بلدنا واحد من اهم المهرجانات في المنطقة بالكامل، بخلاف ان الجائزة تحمله اسم فاتن حمامة وهو شرف وتقدير لاي فنان، ونمرة تلاتة مفاجأتي وفرحتي ان اللي قدمتلي الجايزة منى زكي، مكنش ينفع حد يقدمني غير منى زكي.
وأضاف: أول مرة وقفت قدام كاميرا سينما كانت مع منى وعلى مدار 24 سنة كانت نعم الزميلة والصديقة.
واختتم: (بحمد ربنا إننا كلنا كجيل اتربينا علي أيد اساتذة كبار علمونا قيمة الفن ونحترم شغلنا ونحترم الناس فيحترمونا ويحترموا هذه الصناعة، في اسماء لولاها مكنتش هاكون واقف قدامكم اول جملة قلتها كانت للعظيم الراحل وحيد حامد، الراجل التاني اللي امن بيا المخرج شريف عرفة).
كريم يستحق التكريم، ليس فقط لأنه ممثل محترف وموهوب، بل لأنه نجم بأخلاقه العالية.
مرة لم نسمع عن أي خلاف بين كريم وأي شخص من زملائه يحب الجميع والجميع يحبونه.
مبروك كريم عبد العزيز ومن نجاح إلى آخر..