حل النجم المصري أحمد_سعد، ضيفًا على الإعلامي الاماراتي أنس بو خش، في برنامجه الحواري ”ABtalks“، بكامل عفويته وصراحته المعهودة.
أدلى سعد بتصريحات كثيرة عن حياته الخاصة، عائلته وطفولته، كما تحدث بتأثر شديد عن ندمه على طلاقه ونهاية علاقته الزوجية الأخيرة مع علياء بسيوني، موضحاً أنه سيُطلق أغنية تتحدث عن الشعور بالندم والحنين والذكريات الجميلة قريباً.
ووصف أحمد سعد طلاقه بأنه أصعب مرحلة مرت عليه في حياته قائلاً: ”أصعب مرحلة في حياتي، خروجي من علاقتي الأخيرة“. وأضاف موجّهًا حديثه لنفسه: ”بكل المقاييس المعلنة والظاهرة وحتى بينك وبين نفسك، ما كانش المفروض انك تخرج، أنت شغلك بينتعش وحياتك زي الفل وأغانيك بتنجح وأنت بتنجح معاها، كل الظروف بتقول أني لازم أكون موجود بالعلاقة دي“.
ورغم وجود بعض الخلافات والمشاكل التي دارت حول طلاقهما، صرّح سعد: ”أنا كنت أناني، لأني كنت عايز مصلحتي الشخصية مش مصلحتنا مع بعض، مصلحتنا كزوجين تلاشت لحد ما انتهت، هي كانت بتهتم بتفاصيل شغلي، وتهتم بمواعيدي ولبسي، وكانت الجزء الأكبر في دعمي بشغلي، بس دي كانت أنانية مني“.
وأكمل حديثه عن الندم لتركه أطفاله في هذه المرحلة: ”من الصعب أن تترك أطفالك وفي وقت زي ده وسن زي ده، صعب قوي، تدهورت حياتي الزوجية على حساب نجاحي المهني وحفلاتي المتواصلة، ومعرفتش ألم الموضوع وأصلحه“.
وكنا علمنا من مصادرنا في الجرس، أن الطلاق تم بعد خلاف نشب بين أحمد وعلياء بسبب اصابة ابنتهما الصغرى (مريم) وسقوطها من السيارة، مما تسبب لها في كسور متفرقة في أنحاء جسمها.
وحسب رواية علياء لأصدقائها المقربين، فإن سعد لم يهتم بإصابة ابنته وظل متواجداً في الساحل الشمالي دون أن يتواجد مع زوجته للاهتمام بابنتهما المريضة، والتي لم تكمل شهرين من عمرها.
اقرأ: أحمد سعد يدفع 270 ألف جنية لسمية الخشاب
كانت علياء كتبت رسالة مطولة فضحت من خلالها أسلوب أحمد معها، وقالت: (الحمد لله على كل شيء، تم الطلاق بيني وبين أحمد من شوية بناءً على رغبته.. حابة أشكر أحمد جدًا على أصله غير الطيب ومعدنه السيئ وحابه أقوله شكرًا على قرارك اللحظي غير الموفق في خراب بيتنا وتدمير أسرتنا الجميلة، اللي أنا حقيقي تعبت فيها لوحدي تمامًا وحاولت وعديت بمواقف مفيش حد في مكاني يقبلها عشان الأسرة دي).
تابعت بسيوني: (وعشان المشوار اللي أنا ابتديته ومكنتش حابه إنه ينتهي.. شكرًا على توقيتك الجميل وأنا قاعدة ببنتي 3 أيام وأنت مش عارف حاجة عشان مشغول في الساحل وخروجات وبعدها شغلك).
اضافت: (أكبر شكر على المقلب اللي أنا أخدته في العلاقة دي واللي كنت فاهمه إن ليها قيمة ببني وبضحي وبتنازل عشانها وانت طلعتها ولا تسوى وربنا معايا أنا وبناتي في اللي جاي وينتقم منك ويديلك على قد كل حاجة حصلت).
