نشرت المذيعة المصرية ريهام_سعيد، صورة قديمة لها، حينما كانت تعاني من السمنة والوزن الزائد، وعلقت مؤكدة إنها تكره هذه الفترة واوضحت إنها تنوي القيام بحملة لعلاج مرضى السمنة بالتعاون مع أطباء مختصين.
كتبت ريهام عبر صفحتها:
(انا بكره البني ادمه دي و مبحبش اشوفها . صحيح تخنت في حياتي كلها سنتين بس لما حالي مرض اسمه eating disorder . كان عندي ٢٥ سنه و نفسيتي و حركتي و كل حاجه بتقول ان عندي ٧٠ سنه و ده كان بسبب اكتاءب بعد الطلاق . اكتشفت مؤخرا ان الجهل لسه مًوجود. السمنه مرض مشً صفه و من اخطر انواع الادمان . انا قررت اعمل حمله سمته كبيره و نعالج ناس كتير زي ما طول عمرنا بنعمل).
تابعت:
(انا اعتزلت الاعلام بقالي سنه لكن ده مش هايمنع اني برضوا بالتعاون مع اطباء كبار بيحبوا الخير نقاوم هذا المرض اللعين . الي بيعانوا من المرض ده عندهم شحنه غضب رهيبه عشان كده لما تكلمهم عن السمنه بيبقوا هجوميين جدا ماينفعش نسيبهم. السعاده الحقيقه هي تغيير حياه الناس للافضل و عمري ما طلعت اتكلمت عن السمنه و انا معنديش الحل . ابعتوا علي الانبوكس لو عايزين تبقوا معايه و نتوكل علي الله و ربنا عمره ما هايخذلنا).
اقرأ: ريهام سعيد أهانت مرضى السمنة؟ – فيديو
كانت ريهام سخرت من مرضى السمنة عبر برنامجها صبايا قبل عامين وقالت حينها: (الناس التخينة ميتة، عبء على أهلها وعلى الدولة، بيشوهوا المنظر).
تابعت: (يعني وانتي ماشية كده بالإسدال ولا بالجلابية ومش قادرة تمشي، وبتعرجي عشان ركبك وجعاكي وبتبقي عرقانة عشان عندك كمية السموم غير طبيعية فقدتي كل أنوثتك وضحكتك.. فقدتي كل حاجة).
ريهام دافعت عن نفسها وقالت أنها مريضة سمنة، ولم تقصد الاساءة لأي لمريض، بل كانت تدفعهم وتحثهم للعلاج، مثلما فعل معها الفنان محمود حميدة، حينما وجدها بوزن زائد، ووجه لها تعليقاً دفعها لإنزال وزنها.
قالت سعيد في فيديو مصور نشرته عبر السوشيال ميديا: (قعدت أقرأ أخبار على جزئية الناس التخينة وهما شكلهم وحش ومشوهين المنظر، أنا قلت كده في سياق حديث معين، دي حملة سمنة وهدفنا نعالج ناس ونقدم ريجيم لهم، وأنا مريضة سمنة وأعاني منها ومفوقتش غير لما الفنان محمود حميدة لما كنت بقدم معاه مسرحية وقالي كلمة جرحتني).
تابعت: (قررت أواجه بتوع السمنة ومردتش أضحك عليكم وأقول شكلكم حلو، أنا عمري ما أجرح حد ولا اتكلم عن حد بطريقة سيئة).
